Sarong aldaw matapos iselebrar an saiyang ika-66 na kompleanyo, nakaresibe nin espesyal na regalo si Nanay Felipa Pielago, taga San Jose Partido, Camarines Sur, hale sa Gobyerno Probinsyal kan Camarines Sur. Sarong bagong wheelchair an magagamit na niya ngunyan sa pangaroaldaw. Dakula an pasasalamat kan saiyang aki na si Meliza sa tabang na ini sa saiyang ina.

“Kun baga regalo po talaga ini para ki mama. Dakulang ginhawa po ini para saiya, lalo na ta haloy na siyang nasasakitan maglakaw. Dakulang pasasalamat mi po ta mayong gastos asin dakulang tabang po talaga an wheelchair na ini,” segun ki Meliza.

An istorya ni Nanay Felipa saro sana sa pirang ribo na istorya kan mga recipientes nin assistive devices, bako sana sa San Jose Partido, kundi magin sa iba pang parte kan Camarines Sur. Siring sa pagpuon, pinapahiling kan Gobyerno Probinsyal, sa irarom ni Gov Luigi Villafuerte, an dakulang pagmakulog sa gabos na nangangaipo.